March 1 - 2024, Friday१७ फाल्गुन २०८०, बिहीबार

पिकनिक खान गएका एक जना युवा भेरीमा डुबेर मृत्यु, एक बेपत्ता, एक जनाको जीवितै उद्धार

राजेन्द्र कार्की । जाजरकोट

जाजरकोट सदरमुकाम नजिकै भेरी नदीको किनारमा पिकनिक खान गएका एक युवकको नदीमा डुबेर मृत्यु भएको छ । एक जना बेपत्ता भएका छन् भने भेरी डुबेका एक जनालाई जीवितै उद्धार गरिएको छ ।

भेरी नगरपालिका ४ का २० बर्षका रोशन खड्काको मृत्यु भएको प्रहरीले जनाएको छ । भेरी नगरपालिका ३ का २६ बर्षका विक्रान्त केसी भेरी नदीमा बेपत्ता भएका छन् । नदीमा डुबेका विरेन्द्र शाहीलाई भने जीवितै उद्धार गरिएको छ । उनका साथीहरुले उद्धार गरेका हुन् । रोशन र विरेन्द्र डुबेपछि साथीहरुलाई बचाउन गएका विक्रान्त बेपत्ता भएका छन् । बेपत्ताको खोजी कार्य भैरहेको प्रहरी नायव उपरीक्षक सन्तोष निरौलाले बताए । नदी पारि रहेको डेथबडी निकाल्ने कार्य र बेपत्ताको खोजी कार्य भैरहेको प्रहरी नायव उपरीक्षक निरौलाले बताए ।

तिहारको अवसरमा सदरमुकाम खलंगामा हालै भएको फुटबल प्रतियोगितामा खसी बाजी जितेका युवाहरुले मंगलबार भेरी नगरपालिका ११ मटेला स्थित भेरी नदी किनारामा पिकनिक(भोज)को आयोजना गरेका थिए । पिकनिक गएका युवाहरु नदीमा नुहाउने क्रममा डुबेर मृत्यु भएको प्रहरीले जनाएको छ । नदीमा डुबेका र बेपत्ताको खाजी तथा उद्धारका लागि तत्काल नेपाल प्रहरी र शसस्त्र प्रहरीको टोली घटनास्थल पठाईएको प्रमुख जिल्ला अधिकारी अन्जन श्रेष्ठले बताए ।

Prabaha

Pashusewa Karyalaya Jajarkot
Pashu Ad