राजेन्द्र कार्की । जाजरकोट
लागु औषध मुद्धामा आठ बर्ष देखि फरार रहेकी जाजरकोटकी एक महिला पक्राउ परेकी छन् । जिल्लाको नलगाड नगरपालिका ३ बस्ने ६७ बर्षिया ओमकुमारी थापालाई प्रहरीले पक्राउ गरेको हो ।
लागु औषध चरेश मुद्धामा जिल्ला अदालत बाँकेको २०७१ मंसिर २५ गतेको फैसला आदेश अनुसार उनलाई एक बर्ष तीन महिना कैद सजाय तोकिएको थियो । तर उनी फरार हुँदै आएकी थिईन । गोप्य सुचनाका आधारमा इलाका प्रहरी कार्यालय दल्लीबाट खटिएको प्रहरीले घरमै लुकीछिपी बसेको अवस्थामा फेला पारेको थियो । पक्राउ परेकी थापालाई जिल्ला अदालतमा उपस्थित गराई आइतवार नै अदालतको आदेशमा कारागार चलान गरिएको जिल्ला प्रहरी प्रमुख डिएस्पी सन्तोष निरौलाले बताए ।
