राजेन्द्र कार्की । जाजरकोट
पौडी खेल्ने क्रममा खोलाले बगाउँदा जाजरकोटमा एकै घरका दुई दिदिबहिनीको मृत्यु भएको छ ।
स्थानिय समाकोट खोलामा शुक्रवार दिउसो पौडी खेल्न गएका कुशे गाँउपालिका ७ समाकोट, जाजरकोट निवासी धनबहादुर सिंहका छोरीहरु १८ बर्षिया मीना कुमारी सिंह र १५ बर्षिया गिता कुमारी सिंहको मृत्यु भएको प्रहरीले जनाएको छ । पौडी खेल्ने क्रममा बगेका दुवै दिदिबहिनी सोही खोलाको करीब दुई सय मिटर तल मृत अवस्थामा फेला परेको जिल्ला प्रहरी प्रमुख डिएस्पी बसन्तकुमार शर्माले बताए । दुवै दिदिबहिनीको शव घरमा लिएर राखिएको छ । शनिवार पोष्टमार्टम गरिने उनले बताए । दशैको मुखमा भएको उक्त दुर्घटनाले समाकोट गाँउ शोकमा डुबेको छ ।
