राजेन्द्र कार्की । जाजरकोट
अत्याधिक रक्तस्रावका कारण अत्यान्त जटिल अवस्थामा पुगेकी जाजरकोट कुशेकी एक महिलाको हवाई उद्धार गरिएको छ । कुशे ८ पैक निवासी सुस्मिता बुढा आरसीको नेपाली सेनाको हेलिकोप्टरबाट मंगलवार उद्धार गरिएको हो । चार महिनाकी गर्भवति सुस्मिता घरायसी काम गर्ने क्रममा आईतवार घर नजिकै लडेपछि बच्चा तुहिएको थियो । बच्चा तुहिएपछि पनि रक्तस्राव नरोकिएपछि स्थानिय स्वास्थ्य चौकीमा लगियो । सोमवार दिनभर उपचार गर्दा पनि विसेक नभएपछि मंगलवार उद्धार गरिएको हो ।
उनलाई हेलिकोप्टरबाट क्षेत्रिय अस्पताल सुर्खेत लगिएको छ । पैक स्थानिय स्वास्थ्य चौकीमा लगिएकी उनको रक्तस्राव नरोकिएपछि उनी जटिल अवस्थामा पुगेकी थिइन । गाँउ पालिका अध्यक्ष हरिचन्द्र बस्नेतको पहलमा राष्ट्रपति महिला उत्थान कार्यक्रमको सहयोगमा हेलिकोप्टरबाट उनको उद्धार गरेर सुर्खेत लगिएको छ । अहिले उनको अवस्था सुधारोन्मुख रहेको पति भीमराज आरसीले बताए ।
