राजेन्द्र कार्की । जाजरकोट
जाजरकोटको कुशे गाँउपालिका ८ मेलविसाउनका शिवराज गिरी जन्मजात शारीरिक अपाङ्ग बालक हुन् । उनका खुट्टा चल्दैनन् जसका कारण उभिन र हिडड्ल गर्न सक्दैनन् । पढ्नने चाहना हुँदा हुँदै हिड्न नसक्ने भएकै कारण उनी विद्यालय जान सक्दैन्थे ।
११ बर्षको उमेर सम्म पनि उनी पढ्ने र सिक्ने कुराबाट निकै टाढा थिए । तर गत बर्ष देखि घरमै पढ्ने अवसर पाएका १२ बर्षिय शिवराजले धेरै कुरा सिकिसकेका छन् । अक्षर र अंक चिन्नुका साथै गणितका आधारभुत क्रियाहरु जोड, घटाउ, गुणान र भाग गर्न सिकिसकेका छन् । स्पष्ट रुपमा पढ्न र लेख्न समेत उनी सिपालु भैसकेका छन् । शिवराज पढाईमा निकै चाख राख्ने भएकोले पढाएको विषयवस्तु राम्रो सँग सिकिरहेको सहजकर्ता विना गिरीले बताईन ।
सेभ द चिल्डे«नको सहयोगमा पहाडी क्षेत्र विकास अधियान जाजरकोट द्धारा संचालित सहयात्रा परियोजनाले घरमै शिक्षकको ब्यवस्था गरि पठनपाठनको ब्यवस्था मिलाएपछि शिवराजको पढ्ने धोको पुरा हुन थालेको हो । पढेर संसार चिन्ने र देख्ने सपना बोकेका शिवराज पढ्न पाएपछि निकै खुसी भएका छन् । परियोजनाले ५ बर्ष सम्म घरमै पढाउने ब्यवस्था मिलाउने छ । सहयोग पाए उनको उच्च शिक्षा सम्म अध्ययन गरेर जागिर खाने सपना छ । भुपेन्द्रका बुवा बहादुर गिरीले आफ्नो छोरालाई घरमै पढाउने ब्यवस्था मिलाईदिएकोमा अवसर परियोजनालाई धन्यवाद दिएका छन् ।
त्यस्तै कुशे ८ लाँताका भुपेन्द्र बस्नेत पनि शारीरिक अपाङ्ग बालक हुन् । अपाङ्ग अवस्थाका उनी आगोमा पोलिएपछि थप समस्यामा परेका थिए । उनी पनि हिड्न नसक्ने भएकै कारण विद्यालय सम्म जान नसक्दा पठनपाठनबाट बञ्चित थिए । अवसर परियोजनाले उनलाई घरमै पढ्ने अवसर जुटाईदिएपछि उनी उत्साहका साथ घरमै सिकिरहेकी छन् । उनलाई पढाउनका लागि एक जना गाँउकै सहजकर्ता चन्द्रा सिंहलाई नियुक्ती गरिएको छ । सहजकर्ताले १० देखी २ बजे सम्म घरमै पढाउने ब्यवस्था मिलाईएको छ । भुपेन्द्रको पनि उच्च शिक्षा सम्म अध्ययन गरेर ठुलो मान्छे बन्ने सोच छ ।
गत बर्ष देखि शुरु भएको परियोजनाले शारीरिक अशक्तताका कारण विद्यालय गएर पठनपाठन गर्न नसकेका कुशेका चार जना बालबालिकालाई घरमै शिक्षक पठाएर पढ्ने ब्यवस्था मिलाएको छ । शारीरिक अपाङ्गताका कारण विद्यालय जान नसकेका कुशे गाँउपालिका भित्रका बालबालिकालाई घरमै पढाउने ब्यवस्था मिलाईने पहाडी क्षेत्र विकास अभियानका कार्यकारी निर्देशक रणबहादुर कार्कीले बताए । आर्थिक अवस्था कमजोर भएका सात जना विद्यार्थीका परिवारलाई आयआर्जनका लागि बाख्रापालन कार्यक्रम संचालनका लागि समेत सहयोग गरिएको कार्यकारी निर्देशक कार्कीले बताए । उनका अनुसार शिक्षण सिकाईमा सुधार ल्याउन कुशेमा गृह शिक्षक अवधारण समेत अघि सारिएको छ ।
एक बर्षको अवधीमा ६ सय ११ बालबालिकाको घरमै घुम्ती रुपमा गएर शिक्षण सिकाईमा सहजिकरण गरिएको छ । गुणस्तरीय शिक्षाका लागि स्वः अध्ययन पुस्तिका वितरण, मेमोरी कार्ड वितरण गरिएको छ । बालविकास कक्षा संचालनका लागि विभिन्न शैक्षिक सामग्री वितरण, शिक्षक तालिम, कक्षाकोठा ब्यवस्थापन सहयोग, भौतिक पुर्वाधार विकास,मर्मत, खानेपानी शौचालय लगायतमा सहयोग गरिएको सेभ द चिल्ड्रनका प्रमोद न्यौपानेले बताए । साथै विद्यालय बाहिर रहेका ९६ बालबालिका मध्य ५४ जनालाई विद्यालयको पहुँचमा पुरयाउन सफल भएको न्यौपानेले बताए ।
गाँउपालिका अध्यक्ष हरिचन्द्र बस्नेतले सेभ र पहाडीको सहयोगमा संचालित सहयात्रा र अवसर परियोजनाले कुशेका बालबालिकाको शैक्षिक उन्नयन, शारीरिक तथा मानसिक विकासमा निकै सहयोग पुगेको बताए ।
